|
Queremos recordar, que hai unhas normas de bo uso, para que tod@s poidamos disfrutar de RsC. Nestas normas está recollido que o emprego de programas P2P, pola súa forma de traballo, non son compatibles coa rede, xa que poden chegar a saturala e facer a navegación case imposible. Pois ben, isto é o que está a pasar dende a pasada noite. Xa tomamos as medidas oportunas con este soci@ xa que o abuso foi reiterado, chegando a situación da caida a afectar a un terzo da rede. Mirade a imaxe, como suporedes o verde é bo, o vermello é malo:
Lembrade que hai alternativas a estes programas P2P que son compatibles con RsC, como a descarga directa, que ademais de ser máis rápido para vós, séntalle mellor á rede. Tamén queremos recordar que os que teñades o Windows en calquera das súas versións, teñades instalado un bo antivirus (o cal haberá que pagar ou crakear), xa que algúns destes "bichiños" o que fan é mandar moitas peticións ó router, non so facéndovos a navegación moi lenta a vos (e botándolle a culpa á rede, xa vimos de todo), se non a toda a rede.Outra opción sería que instalásedes algún sistema operativo libre de virus coma por exemplo o Ubuntu que ademais é gratis!!!. Xa fixemos algo para facer que a rede estea operativa ao 100% o antes posible, pero coma non vivimos disto (aínda que ás veces toléanos máis que o traballo ou a parella), aínda temos cousas que recuperar. Esperamos que a infraestrutura estea amañada o antes posible. Pedímosvos un pouco de paciencia ós que vos esteades a ver afectados. ACTUALIZACIÓN (28-08-09): Pois como as desgracias nunca veñen soas, a maiores da caida dese punto de acceso, hoxe comprobamos que o transformador da corrente que o alimentaba de enerxía, deixou de desempeñar a súa función para a que fora deseñado (vamos, que se escarallou). Sinxela solución, cambialo e listo. A rede xa volta estar completamente operativa.
|
