Desta vez o que está a fallar é o RsC_CampoManeiro, e por conseguinte os RsC_Barreiras e RsC_Atalaia, xa que estes aceden á rede a través do primeiro. A solución pasa por subir ó tellado do poli de Taragoña, pero con este tempo non sería moi seguro, esperamos a ver se o sábado mellora un pouco a cousa e podemos acceder alí.

E ademais para aproveitar, imos mellorar o repetidor de Campo Maneiro, instalando uns aparellos novos para que o enlace con RsC_Rinlo sexa máis forte e non se vexa afectado por interferencias. Esta mellora consistirá na instalación de dous AP's que traballan no rango de 5Ghz, e así evitar que interfiran cos aparellos que traballan en 2,4Ghz que son case todos. Pero isto non vai afectar para nada ás vosas conexións, xa que logo imos colocar outros AP's que emitan en 2,4Ghz como ata o de agora, e vos non teredes nada que facer nin que cambiar.

Pois esperemos a que mellore o tempo e poidamos facer estes traballos, e polo momento pedir desculpas ós que vos vexades afectados.

En plena guerra entre os internautas e as distribuidoras discográficas, que ven peligrar a súa posición abusiva no negocio de distribución de contidos culturais (e comerciais), non vén mal dispoñer de lugares nos que se pode gozar de música sen necesidade de recorrer a práctical, canda menos, alegais.

Entre as opcións dispoñibles hai básicamente dous modelos a seguir: o das radios en internet e sistemas similares, ( last.fm, Pandora (que xa non permite o seu uso fóra dos USA, pero para iso están os proxys )), e o dos portais de procura directa do tema.

Neste último grupo vén pegando con moita forza Spotify,  que funciona a través da descarga dun programa para Windows (que funciona tamén perfectamente en Linux) que busca música compartida con P2P. Require de invitación, que cada vez é máis dificil de conseguir, e moita da música dispoñible non é orixinal, polo que imos ver algunhas alternativas:

• Deezer:  un portal que combina varios modelos e ofrece de forma legal dtreaming de música, grazas a un acordo con Sony.
• Goear: tan sinxelo coma buscar e reproducir, directamente na web. E cunha pouca maña, tamén se poderá descargar (non imos desvelar como, aprendede un pouco; pero os complementos de Firefox poden ser de gran axuda).
  

E por último, non podemos deixar de mencionar o modelo que debería imperar na distribuzón de obras musicais: Jamendo. É a aplicación da filosofía do Copyleft e das licenzas Creative Commons: o outor distribúe a súa obra, libremente e con todos os dereitos de reprodución, copia, uso e modificación, protexendo así os seus dereitos de autor sobre a peza. Non atoparedes en Jamendo moita música coñecida, pero si MOITA música, que ademais poderedes emitir nun bar, radio, evento público ou utilizala nun vídeo editado por vós sen problemas de licenzas ou de que algunha sociedade de xestión de dereitos de autor vos pretenda cobrar por difundila públicamente.

E, por suposto, tamén poderedes subir as vosas propias creacións musicais baixo estas licenzas, axudando a que se difundan ao tempo que protexedes plenamente a vosa autoría sobre as pezas das fauces dalgunha discográfica de vampíricas pretensións.

 Se coñecedes doutros portais similares, comentade este artigo e será ampliado coa información que enviedes.